Aýyl sharýashylyq mınıstrliginiń karantın jónindegi memlekettik ınspektorlary 60 tonnadan astam qaýipti ımporttyq dándi daqyldar, jıdek,  kókónister men jemisterdi tárkilep, keri qaıtardy. Taýarlar elimizge Reseıden, Qytaı men Ózbekstannan jetkizilgen.

Atap aıtqanda, 22 tonna qurma men mandarınde qaýipti karantındik zıankester - qara sıtrýstyq aqqanat (Aleurocanthus woglumi Ashby) jáne Kostok qurty (Pseudococcus comstocki (Kuwana) anyqtaldy. Sonymen qatar, Aýyl sharýashylyq mınıstrliginiń karantın jónindegi memlekettik ınspektorlary qaptama tańbalary joq 26 tonnadan astam qurma, 4,4 tonna júzim, 2,4 tonna qyzanaq jáne 126 keli lımon, fıtosanıtarlyq sertıfıkatty joq 5 tonna bıdaıdyń Qazaqstan aýmaǵyna kirýine tyıym saldy.

Sondaı-aq, Ózbekstannan tyıym salynǵan ónimdi qol júgi arqyly ótkizýdiń birneshe oqıǵasy tirkeldi.

Bir apta ishinde Túrkistan, Qostanaı, Aqmola jáne Almaty oblystarynda joǵary fıtosanıtarlyq qaýpi joǵary ósimdik ónimderin zańsyz jetkizýdiń 15 jaǵdaıy anyqtaldy. El aýmaǵyna tasymaldaýǵa tyıym salynǵan ónimder Ózbekstan Respýblıkasyna, Reseı Federasıasyna jáne QHR-na keri qaıtarylyp, jaýapty tulǵalar ákimshilik jaýapkershilikke tartyldy.

Eske salsaq, Prezıdent Q.Toqaev shekara mańyndaǵy aýmaqtarda veterınarıalyq jáne fıtosanıtarıalyq baqylaýdy kúsheıtýge baǵyttalǵan «Qazaqstan Respýblıkasynyń keıbir zańnamalyq aktilerine agroónerkásiptik keshendi retteý máseleleri boıynsha ózgerister men tolyqtyrýlar engizý týraly» QR Zańyna qol qoıdy. Sonymen qatar, atalmysh zań kúshine engennen keıin veterınarıa jáne fıtosanıtarıa salasyndaǵy barlyq baqylaý-qadaǵalaý fýnksıalary Aýyl sharýashylyǵy mınıstrligine berildi.